අළුතින් මවුන්ටන් බයිසිකලයක් ඇම්ඩා ට තෑගි ලැබුන තමන්ගේ හපන්කම් තම සීයාට පෙන්වන්න උවමනා වුණා. හාන්සි පුටුවක විටක් හපමින් පොඩි කල්පනාවක් දමාගෙන හිටපු සීයාටත් දැන් මල කරදරේ මුගේ බයිසිකල් සංදර්ශනය බලන්නය කියලා.
ගේ මහා පාර අද්දරටම වන්නට පිහිටලා තිබුණ නිසාත්, ඉදිරියෙන් වූ මහා පාරපොඩි පල්ලමක් සහිත එකක් වුන නිසාත්ඇම්ඩා ට මේ වැඩේට බොහෝම පංකාදු ස්ථානයක් වුණා. මොකද කන්ද උඩට තරමක මහන්සියෙන් බයිසිකලය පැදගෙන යායුතු වුනත්, පහලට බොහොම පහසුවෙන් සහ වේගයෙන් එය පදවාගෙන යා හැකිවූ නිසයි.
දැන් ඔන්න ඇම්ඩා තමන්ගේ හැකියාවන් පෙන්නනවා. පලමු වටයේදී ඇම්ඩා ඉහල සිට පහලට වේගයෙන් පැදගෙන ගියේ සිය දෙපා, බයිසිකලයේ පැඩල වලින් ඉවත් කොට "සීයේ.... මේ... කකුල් නැහැ.." යනුවෙන් මොරදෙමිනි.
දෙවෙනි වටයේදී ඇම්ඩා ඉහල සිට පහලට වේගයෙන් පැදගියේ සිය දෑත්, බයිසිකලයේ හැඩලයෙන් ඉවත් කොට "සීයේ.. සීයේ... මේ... අත් නැහැ.." ලෙසින් හඩදෙමින් සීයාගේ වැඩි අවධානයක් දිනාගනිමිනුයි.
ප්‍රේක්ෂක ප්‍රතිචාර හමුවෙහි උද්දාමයට පත්වෙච්ච අපේ ඇම්ඩා තුන්වෙනි වටය පැදගියේ සිය දෑත්, දෙපා සියල්ල හැඩල් සහ පැටල් වලින් ඉවත් කොට "සීයේ. සීයේ.. සීයේ... මේ... අත්, කකුල් එකක් වත් නැහැ.." යනුවෙන් හඩතලමිනි.
සංදර්ශණයෙන් විශ්මයට පත්වෙච්ච බවක් පෙන්නපු සීයා, මුණුබුරාගේ මීලඟ වටය නැරඹීමේ රිස්සේන් මාර්ගය දිහාවට ඇස් දල්වාගෙන බලාගෙන උන්නත් විනාඩි ගනනාවකට පස්සේ සීයාට දකින්නට ලැබුනේ බෙරිවූ මුහුණකින් යුක්තව බයිසිකලය තල්ලුකරන් තමන්වෙත එනඇම්ඩා යි. විමතියට පත්වෙච්ච සීයා තම කටහඩ අවධිකලා.
"මොකො කොළුවෝ උනේ ? "
"අය්යෝ සීයේ....." හොටු පෙරමින් ඇම්ඩා තතැනුවා.
"ඇයි...ඇයි මොකක්ද උනේ කියාපිය.?"
මේ
දත් නැහැ" ඌ සිය ඉදිරි දත් පෙල පෙන්නා සිටියා.
No comments:
Post a Comment