ඉංග්රීසියෙන් අහපු කතාවක්

ඔන්න එක වයසක ජෝඩුවක් බලන්න ඒ වගේම වයසක යාලුවෙක් ගෙදරට ආවලු. ඇවිත් තොරතුරු කතාකරන අතරෙ ඔන්න මේහෙමලු විස්තරේ

යාලුවා 1 (අමුත්තා) - ඉතිං කොහොමද අලුත් විස්තර? අර අමතක වෙන එකට ඔයා දොස්තර කෙනෙක් ලඟට ගියා නේද වැඩමුලුවකට? දැං ඒක ඉවරද?

යාලුවා 2 (ගෙදර ඉන්න පොර) - ඔව් ඔව් ඒ වැඩමුලුවනම් මරු. දොස්තර මහත්තයා එතනට එන හැමෝටම අලුත්ම මනෝ චිකිත්සක ක්රම ගැන හොඳට කියල දෙනවා කොහොමද අමතක වෙන එක අඩු කරගන්නේ ඔය වගේ තව තව දේවල්. මං හිතන්නෙ හිටියට වඩා සෑහෙන්න හොඳ මට්ටමක් තියෙන්නෙ මගේ.

යාලුවා 1 - ෂා මරුනේ. මටත් හිතෙනවා ඔතැනට ගියානං හොදයි කියලා. කොහෙද ඔය තැන?දොස්තර මහත්තයගෙ නම මොකක්ද?

යාලුවා 2 - ආ පොඩ්ඩක් ඉන්ඩකෝ…

කියලා කල්පනා කරන්න ගත්තලු. ලාච්චු ඔක්කොම ඇරල බැලුවලු, වටේ ඇවිදින ගමන් කල්පනා කරනවලු, ඔහොම විනාඩි 15ක් විතර කල්පනා කරල බැරිම තැන යාලුවගෙං අහනවලු

යාලුවා 2 - අර මලක් තියෙනව නේද පෙති ගොඩක් තියෙන්නෙ, පට ගොඩක් තියෙනව ඒ මල් ජාතියෙ, මලේ නැට්ටෙ කටු එහෙමත් තියෙන්නෙ.

යාලුවා 1 - රෝසද? ඉතිං දොස්තරයි රෝසයි අතරෙ තියෙන සම්බන්දෙ මොකක්ද? :O

යාලුවා 2 - පොඩ්ඩක් ඉන්න…

කියල යාලුවට කියල කුස්සියෙ ඉන්න නෝනගෙන් මෙහෙම අහනවලු

“රෝසී මං අර ඊයෙ හම්බු වෙන්න ගිය දොස්තර මහත්තයගෙ නම මොකක්ද?”